شهادة رضوى-مباحث امن الدولة-لاظوغلى

"أنا ما بانامشي..كل ما يدق الباب بتهيألي إن اللي حصلي هيحصلي تاني ..إذا الباب دق .. أترعب هددوني بالاغتصاب ..مهددين يأخذوا ابني يكهربوه.عوزيني اشتغل معاهم مرشده. ما أقدرش ارجع البيت .. صوت أشخاص بينادوني .. صوت السجان اللي كان بيناديني ساعة التعذيب دايما في ودني..أول ما بأسمع صوته أعرف إني طالعه للتعذيب .

كنت بأتعذب فتره طويلة أربع أو خمس ساعات كل يوم لمده عشره أيام. دايما التعذيب كان بالليل .. أنا ما كنتش عارفة الليل من النهار .. في الآخر أغمي علي بيقولو مده طويلة.. علقوني من أيد واحده ..كان الألم فظيع كنت بأصرخ..كهربوني في كل جسمي في الأماكن الحساسة أكثر، غير الضرب لغاية مابقي جسمي كله كدمات .. وكانت زرقه ولغايه دلوقتي بتوجعني

كنت عريانة ما عدا الملابس الداخلية مسكوني من أماكن حساسة(صدري)..علقوا علي وأنا عريانة إن أنا تخينه وشتموني شتيمة قذرة .. هددوني بالاعتقال .. قالوا لي إذن الاعتقال جاهز هيطردوا أمي من المنزل هيدخلوا عيالي الملجأ.. أماكن التعذيب خفت شويه بس قطعوا جسمي بموس كمان. "