خلفية: في شكوى وردت إلى مركز النديم من السيدة/ نور الهدى عبد الوارث أنه و في سياق البحث عن زوجها أحمد علي عبد الله سالم كأحد المطلوبين قامت قوة من مباحث قسم ثان شبرا الخيمة بمهاجمة شقتها في 15/12/2006 و اصطحابها عنوة إلى القسم و تعذيبها و إحداث إصابات عديدة بجسدها أثبتها تقرير الطب الشرعي رقم 807+808 ل 2006 الصادر من إدارة الطب الشرعي بالقليوبية. و قد قام أفراد القوة بإهانتها و سبها بألفاظ يعاقب عليها القانون، كما قاموا بالاستيلاء على متعلقاتها من المنزل، و تهديدها لضمان عدم تقديم شكوى، و لم يكتف أفراد القوة بذلك بل تواصلت سياسة احتجاز الرهائن فقد قاموا أيضا باقتحام منزل ابنها و احتجزوا زوجته و ابنته، كما اقتحموا منزل أخيها طارق عبد الوارث و احتجزوا زوجته أيضا، و اقتحموا منزل الأب عبد الوارث عبد المقصود و قاموا بالاستيلاء على بعض المتعلقات الثمينة من كل تلك المنازل

وجاء في شهادة نور الهدي لأطباء مركز النديم :

يوم 15/12/2006 الساعة 12 ظهرا دخل اقتحم منزلي عدد كبير من المخبرين واثنين من ضباط المباحث  محمد فوزي، ومحمد عبد الشكور ومن قوة قسم شبرا الخيمة ثان المخبرين   رزق، وهاني، وتامر، وإيهاب


علي طول ابتدأ الضرب برأس الفرد مع كلام قبيح قدام الناس والضابط محمد عبد الشكور ادانى بونية في وشي والخاتم في إيده، علمتلي وشي، وضربنى بالشلاليت. والمخبرين كانوا بيساعدوه. فتشوا الشقة وأخدوا كيس الفلوس وغوايش دهب وساعة يد. بعد ما قبضوا علي قعدوا يومين في شقتي واخدوا صاحبة البيت تدلهم علي شقة ابني وكان سبق أنهم راحوا الشقة في غيابه وكسروها وقبضوا علي زوجته ومعها طفلتها الرضيعة. اخدونى من شقتي في أبو زعبل ومشينا أكتر من ساعة ونص في الطريق لقسم شبرا الخيمة ثان..


في الطريق العربية كانت بتلف وتقبض علي ناس تانيه، قبضوا علي ناس كتير من عزبة عثمان وعزبة رشدي وشارع الإنتاج. في قسم ثان علقونى من رجلية وراسي لتحت ووضعونى في الفلكة..رجلية مفتوحة ومتثبتة في عصايا وايدي مربوطة..ضربونى علي ايدي وظهري ودماغي بالشومة..ساعتين وأنا متعلقة من رجليه.. وكلام قذر ..كنكهربك في الحته دي.... وحنجيب جوزك ونعمل فيك قدامه. وبعدها كهربونى في رجليا بسلك متوصل بموتور


محمد عبد الشكور ومحمد فوزى كانوا بيعذبوا بنفسهم مش بيشتموا وبس ..فكونى ساعتين ورجعوا ربطونى تاني. تانى يوم جوزى كلم محمد فوزى وقال له انه مستعد يسلم نفسه عشان يخرجونى .. لكنهم خرجونى علي قسم أبو زعبل ..وبعد 4 أيام رجعت البيت وعرفتان فيه ضباط محتلين الشقة. رحت بيت والدتى في شبرا الخيمة ..لقيت المخبر رزق قدامي وقاللي عايزينك تانى..نزلت معاه..

وأنا نازلة لقيت جوزى بيسلم نفسه تحت للضابط محمد فوزى.. قلعوه كل هدومه ما عدا الكيلوت.. كتفوه خلف خلاف..وضرب وجرجرة لغاية العربية.. وفي قسم ثان شبرا الخيمة قعدوا يضربوا فيه لغاية الفجر ..بعدها نقلوه قسم شبرا الخيمة أول عند الشرباسي ومحمد فوزى قاللي حنعمله قضية بودره وماكس وسلاح واعتقال ومش حتشوفيه تاني .. محامي أختى كان بلغ النيابة وضربونى تانى لما عرفوا اننا اشتكينا ..طلعونى يوم 19 وهددونى لو اشتكيت في النيابة حيعتقلونى أنا وابنى وابن أختى. . .