كنت ماشى بشارع المعسكر الرومانى بجوار مسرح السلام تقريبا يوم الأثنين الماضى بعد العشاء لقيت عربية شرطة بوكس فيها ضابط ومخبرين نزلوا منها وشدونى بالعافية وركبونى العربية معاهم ولما سألت عن سبب أخذهم ليه محدش قالى سبب أخدهم ليه وقالولى فى المديرية راح تعرف كل حاجة وكان معاية فى العربية ديت اكتر من واحد هما مسكينهم منهم المدعو / محمود محمد حسين اللى انا اتعرفت عليه بعد ما عذبونى وضربونى فى المديرية ولما روحنا المديرية حوالى الساعة 11 بالليل وقفونى ووشى للحيطة فى قسم رعاية الأحداث وكان الضابط اسمه  "محمد " . على ما سمعت وبصيت لقيتهم نازلين ضرب علينا كلنا وكمان قلتلهم حرام عليكم اللى بتعملوة فينا وبعدين سابو كل الناس اللى ماسكينهم معايا ونزلوا عليه انا لوحدى ضرب منهم الضابط ومعاه المجندين وضربونى بشوم على راسى وبالعصيان وعلى جسمى وانحاء جسمى منها زراعى وكتفى ورجلى وبعدها وبعدها اغمى عليه ومفوقتش الا لما لقيت نفسى فى المستشفى الميرى وعملولى اسعافات ودة كل اللى حصل "


 من اقوال رجائى فى المحضر رقم 10761 لسنه 2008 ادارى سيدى جابر