خلفية :في العاشرة من صباح يوم الثلاثاء الموافق 3 يونيو 2008 شنت قوات أمن البحيرة تجريدة وحشية على فلاحي وفلاحات عزبة البارودي – مركز الرحمانية لتنفيذ حكم قضائي ضد 17 أسرة تزرع 13.5 فدان من أراضي الإصلاح الزراعي منذ أكثر من 50 عاما.. ارتكبت قوات الأمن كل ألوان التنكيل والإرهاب ضد الفقراء العزل   

عربيتين كبار مليانين رجالة بقمصان و بناطيل لفوا البلد كلها و بدأوا يحدفوا بالطوب و يضربوا بالنبابيت، البنات جريوا على البيت اللي جنب الجامع لأنه بيت بيتبني و كله مفتح. أنا كنت نازلة على السلالم لقيت الرجالة طالعين في وشي.. جريت على السطح أقول للبنات عشان يجروا. اللي عرفت تنط نطت و منهم معرفش. الرجالة طلعوا السطح و بدأوا يضربوا في البنات ضرب من غير رحمة. فوق السطح و تحت.  أنا نطيت علشان أسلك البنات اللي تحت، وقعت واحد خبطني بطوبة في ظهري و بعدين مسكني من شعري و ضربني بالنبوت على رجلي.“

الاصابات : (كسر في الساق اليمنى)