"صابرين شعبان سليمان" 21 سنة 

من سكان عزبة البارودى-محافظة الدقهلية

خلفية :في العاشرة من صباح يوم الثلاثاء الموافق 3 يونيو 2008 شنت قوات أمن البحيرة تجريدة وحشية على فلاحي وفلاحات عزبة البارودي – مركز الرحمانية لتنفيذ حكم قضائي ضد 17 أسرة تزرع 13.5 فدان من أراضي الإصلاح الزراعي منذ أكثر من 50 عاما.. ارتكبت قوات الأمن كل ألوان التنكيل والإرهاب ضد الفقراء العزل 

دخلوا عليا البيت، كنت بأحط البهايم مع أمي هجموا علينا ونزلوا فيا ضرب.. أمين شرطة و ثلاث عساكر.. ضربوني كثير و ناس كثير كانت واقفة شتمونا شتيمة قذرة.. "يا كذا ... يا بنت كذا ... كلام عيب يتقال لبنات أخذونا المركز وفضلنا للساعة أثنين بالليل.. حاجة بشعة.. لحد دلوقتي ما بقدرش أنام من المنظر.. صوت الراجل اللي ضربني لسه في وداني.. أنا عندي أربع رجالة في البيت.. عمر ما حد مد إيده عليا.. ييجي الكلب ده يضربني. قلت لوكيل النيابة عيب بنات تجيبوها النيابة. لما انتوا بتبهدلوا البنات كده ها تعملوا إيه في الرجالة؟؟ و هتعملوا إيه في البلد و العدل يبقى فين؟ رد عليا وقاللي أسكتي أحسن أنزلك الحجز يضربوكي.. عايزين يئذوا النسوان حتى اللي ما لهمش أرض زينا عشان الرجالة تتحسر عليهم.. فيه رجالة أخدوهم على القسم يوم الاثنين بالليل وفيه رجالة ما عرفوش يطولوهم.. الجرارات جت تحرث الأرض، كانت مزروعة بطيخ لب، كان لسه زي الطفل اللي بتربيه، بهدلوه بالجرارات.. الأول كان العساكر بيشيلوه بإيديهم وبعدين الجرارات جت حرثت الأرض..

الأرض دي بتاعتنا.. عندي عشرين سنة من صغري طلعت لقيت الأرض دي بناكل فيها وبنشرب.. انتم عاوزين مننا إيه؟ لو عاوزين تساعدونا صحيح.. روحوا وقفوا التنفيذ في البلد اللي جنبنا يوم الأربع. أنما دلوقت جايين بعد إيه؟

(الاصابات: كبيرة زرقاء في الزراع الأيسر والأطراف السفلى من الجسم. كانت متوترة و مرتابة و تتكلم بسرعة وكأنها انفجرت. تعاني من اضطراب في النوم و واجترار للأحداث