كتبت عن عمرو الشاب الذى اصيب بنزيف فى المخ بعد ان القى القبض عليه بدون تهمه واستخدم معه العنف اثناء القبض عليه . وخرج من قسم الشرطه الى مستشفى القصر العينى ، واثبتت الاشعات انه كان مصابا بعيب خلقى فى شرايين المخ.

الشاب الان مصابا بشلل نصفى فى الجانب الايمن وفاقدا للنطق تقريبا.. يرقد فى بيت اسرته ببولاق الدكرور فى الدور الخامس .

اتفقت مع والده ان ننسى سبب ما حدث له ، وان نحاول علاجه. وافق على مضض ليضمن ان اساعده

كان شعورى تجاه الاب يشوبه قليل من الغيظ وكثير من الملل ، ربما لأنه يدخل فى دقائق صمت اثناء الكلام لا افهم معناها ، ويعيد السؤال بنفس الكلمات بعد ان اكون اجبت عليه اكثر من مره ، ربما اصطحبته الى استاذ فى المخ والاعصاب لنبدأ معا رحلة العلاج .

اصر على ان يفهم من الطبيب سبب ما حدث لابنه ، ولم يريحه تفسير الطبيب ، وبدأ ت علامات الزهق تظهر على الطبيب .فتدخلت بحسم ( يا ابو عمرو احنا خلاص متفقين مش هنتكلم على اللى فات) .

نظرة عينه التى وجهها الى حذائه الممزق وجعت قلبى .

بدأ الطبيب يسأل وابو عمرو يجيب.. كل اجابه سكينه جديده فى قلبى.. تمنيت ان اختبئ تحت المكتب .. او ان اصاب بالصمم . ولاحظت ان صوت الدكتور تغير .. اصبح اكثر تعاطفا .. نظرت اليه .. فوجئت ان ملامحه تبدلت .

كان الدكتور يسأل ابو عمرو عن تفا صيل دقيقه . عن حركته .. عن اكله .. عن نومه .. عن تركيزه .. عن تبوله وتبرزه .. عن استحمامه .

وكان الرجل يجيب اجابات مدهشه .. كأنه ممرضه قديمه ..خبره وعلم. وعندما لاحظ دهشه الدكتور اوضح ( اصل ام عمرو كانت مكسوره وانا اللى كنت باخدمها ) . انتقل الدكتور من الاسئله الى التعليمات .. فتلقاها ابو عمرو بمنتهى التجاوب . حقن ، تقليب ، آشعات ، علاج طبيعى.

( خلى بالك من صدره علشان الرقده .. خلى بالك مش عايزين الضغط يرتفع لانه ممكن ينزف تانى.. خلى بالك من الامساك ( طبعا يا دكتور )

( طبعا ازاى ) سألت ابو عمرو ( هتعمل كل ده ازاى فى البيت )

اجاب .. ربنا يقدرنى يا استاذه .
طبعا ربنا يقدرك .. لكن ازاى هتقيس الضغط مثلا .

هاجيب واحد من الصيدليه اللى فى أول الشارع .. ده اسهل حاجه .. المشكله الحقيقيه فى الامساك .. بس اهو بحط له اربع لبوسات جلسرين كل تلات ايام .. وربنا بيسهل !  

كتبته نجلاء بدير- ونشر فى صحيفة "الدستور"