طلب الحضور للنيابة
Submitted by تعذيب on Sun, 2008/04/13 - 17:39.
س: إيه هو طلب الحضور للنيابة؟ ج: هو طلب شخص للحضور للنيابة في وقت محدد س: إيه الضرر لو جاني طلب حضور للنيابة ومروحتش؟ ج: مفيش مسئولية عليك لكن لو مروحتش ومقدمتش عذر تقبله النيابة، يطلع لك أمر ضبط وإحضار وتنفذه عليك الشرطة أو تقبض عليك المباحث، وتوديك للنيابة مقبوض عليك. س: إيه شكل ورقة طلب الحضور للنيابة؟ ج: دي ورقة طالعة من النيابة للحضور لمقر النيابة عضو من أعضاء النيابة لسؤال شخص في محضر أو الإدلاء بالشهادة. س: أعرف ازاي إذا كنت متهم ولا مطلوب للشهادة؟ ج: بيكون مكتوب علي طلب الحضور إذا كنت متهم ولا شاهد.
