عن مدونة "كله ماشى"

اللي حصل يا ساده ان مروان اخويا وواحده صاحبه كانه بيتمشوا في في الشارع الساعه 7 بليل وقفهم امين شرطه واتنين معاه تانين المفترض انهم امناء شرطه سألوهم عن البطايق مفيش دقتين جات عربيه بوليس نزلت قالتهم لامناء الشرطه فين الكارنيهات بتاعتكم طلع ان واحد بس فيهم امين شرطه والاتنين التانين مسجلين خطر اي نعم والامين بيستخدهم للبلطجه عن خلق الله ولم فلوش وموبايلات واللذي منه المهم انهم اخدوا اخويا وصاحبه والامين والاتنين المسجلين خطر علي القسم التابع لينا معاون القسم قال انا هودي الامين دا في ستين داهيه وقال اخويا ةصاحبه متقلقوش شويه وخرج المعاون وقالهم بصي يابني منك ليه انتوا مش هتعرفوا تثبتوا ان الامين ده والاتنين اللي كانه معاه كلهم وقفوكوا لانه هيخرج منها غير ان عندهم

في القسم ميت محضر مش لاقينله صاحب ممكن يلبسك تهمه مروان قاله طيب هنعمل ايه قاله بص المسجلين خطر دول احنا عايزن ندخلهم السجن احنا هنعمل محضر هتقول فيه ان الاتنين المسجلين طلعوا عليكوا انت وصاحبك وضربوكوا وشتموكوا وواخدوا موبايل اخويا ويبقي محضر سرقه بالاكراه وسب واعتداء بالضرب طبعا اخويا كان خايف ومرعوب واول مره يدخل قسم وافق واخدو منه الموبايل وقاله بص ده حشيش وادويه كانوا معاهم هنكتب في المحضر اننا مسكنا الحاجات دي معاهم وحتروح النيابه بكره تقول انك عملت محضر بالكلام ده ومن النيابه هتاخد الموبايل بتاعك وتمشي ويبقي كده حميت نفسك من الدخول في متهات مع الامين اللي وقفك انت وصاحبك اللي حصل ده نقطه في بحر فساد الداخليه اخويا غلطان انه مقلش الحقيقه بس للاسف خوفه من اللي ممكن يحصله لو قال ان الامين هو اللي وقفه ولاتنين دول كانوا معاه
الخوف من الشرطه وتلفيق الاتهامات بقي اكبر من الخوف من المجرمين