شهادات أهالى قرية كفر تركى بالعياط-جيزة

خلفية: ما حدث في كفر تركي أن هناك شخصا يدعى عدلي لطفي يملك قطعة من الأرض وافق على أن يؤجر جزءا منها لشركة محمول لتشييد محطة تقوية عليها.. كان أهل القرية قد سمعوا عن هذا الموضوع من قبل وقيل لهم أن مثل تلك المحطات لها آثار صحية سيئة "إحنا كنا سمعنا قبل كده عن الحكاية دي وأهل البلد قالوا إن المحطات دي بتجيب أمراض وسرطان واللي حامل يشوه الجنين"

" وفي يوم الخميس، يوم السوق، كان عدد من سكان القرية، أغلبهم من النساء، عائدين من السوق حين وجدوا الشركة تحفر الأرض فعلا.. أحد سكان القرية نبه الباقين إلى ما يحدث فما كان من الضابط إلا أن أمسك به وأنزل به الضرب ثم وضعه في البوكس على حين كان الرجل يصرخ "حرام عليك"

يقول أهل القرية: بقينا بنجري على الضابط رجاله وستات نقول له مش عاوزين المحطة.  
إحدى النساء التي قابلناها ذهبت إلى الضابط تسأله لماذا تأخذه في البوكس، فما كان من الضابط إلا أن ضربها ثلاث أقلام متتالية على وجهها سقطت على أثرها على الأرض. أحد أقاربها جاء ليساعدها، فأطلق الضابط عليه النيران فأصابته الرصاصة في ساقه.

يقول أهل القرية: "هو نفس الضابط الذي ظهرت صورته في الجرائد.. مش صحيح أنه كان مصاب.. ده طلع يجري هو والبوليس بعد ما قتلوا المرحوم أحمد.. ضربونا وبهدلونا ورموا علينا قنابل دخان.. كان نازل فينا ضرب يمسك الست كده ويرميها مايهموش تقع علي ايه.. وضربوا رصاص علينا.. الرصاص كان زي المطر. وغير الرصاص كان فيه حاجة تانيه كمان.. حاجة كده زي الطوب.. تخبط في الواحد بعدين يطلع منها مسامير صغيرة بتعور.. العيال في الغيط سمعت صوت الرصاص كانت بترمي نفسها على الأرض عشان تستخبى.. كنا فاكرينه بيضرب في الهوا عشان يخوف الناس بس الناس انصابت وأحمد الله يرحمه أخد طلقتين مش طلقة واحدة.. ما كانش واقف بعيد عن الضابط.. زي كده من هنا لهناك (حوالي مترين).. الناس لما شافت القتيل راحت تجري ورا الضابط وهو أخد بعضه والعساكر بتوعه وهرب.. ما كانش حد معاه سلاح الا الضابط.. وكلهم جريوا وما حدش فيهم اتعور.. دول كدابين".

في نيابة العياط  حيث اقتيد جميع الأهالي في عربات الشرطة الي هناك تم سماع أقوال أهل القرية  لكن "خفنا نقول إننا انضربنا لان الضابط محمود كان واقف وكان بيبص للواحدة فينا وعنيه كلها تهديد وقالوا لنا إياكم حد يجيب سيره اللي هيتكلم هنبهدله.. أنا خايفة أقعد في البيت وقاعدة عند ناس قرايب.. كل اللي انضرب عليه قواضي واللي في المستشفى عليهم تهم".