للمرة الثانية:تبلطجوا يرحمكم الله

Submitted by تعذيب on Tue, 2006/11/07 - 17:55.
نشرت جريدة الاخبار هذا الخبر
"امر اشرف صلاح رئيس نيابات الجيزة بحبس طالب جامعى ، لاتهامه بضرب ضابط شرطة بالبوكس لمنعه من الوقوف بسيارته امام احدى السفارات.وتبين ان الطالب -19 سنة-توقف بسيارته امام احدى السفارات اثناء وجود احتفال بها ، وطلب منه الظابط الابتعاد لتسهيل مرور السيارات فرفض ونزل من السيارة وسب الظابط وضربه بالبوكس فأصابه بكدمة أسفل عينه".
الخبر-ان صح- يعيد الى الاذهان الدعوة الى "ان تكون بلطجيا" لتحمى نفسك بدلا عن الشرطة ، اذا كانت عاجزة عن حماية نفسها

( categories: )

مات قدام عيني

Submitted by مجهول (not verified) on Wed, 2006/11/08 - 15:43.
انا كنت محبوس في سجن الاستئناف لمدة ستة اشهر  والكلام ده سنة 2002 واللي شفته في السجن ده حاجة تحرك مشاعر الكافر مش المسلم ولا المسيحي بس اولا قبل ماحكي عايز اقوللكوا ان السجن عندنا في مصر دولة قائمة بذاتها مفيش حد من حقه يدخل المنطقة بتاعة المساجين غير المسئولين عن السجن يعني المأمور وبتوع النيابة والظباط المسئولين بس وحتي ظباط وزارة الداخلية ايا كان مركزهم مش من حقهم يدخلوا عند المساجين ويشوفوهم او حتي يزوروهم لو كانوا لواءات حتي والوقت اللي كنت فيه في الاستئناف كان فيه ظابط النيابة واسمه حسين كان معروف عنه انه قتل احد المساجين وهو بيعذبه وبيضربه وكل اللي حصل ان الوزارة نقلته سجن تاني قعد فيه سنه وبعدين رجع تاني الاستئناف عادي جدا .. معرفش لو ده حصل في اي بلد تاني في  العالم كان ممكن يبقي عقابه ايه       ثانيا يا جماعة تخيلوا معايا لما تبقي درجة الحرارة 40 او 42 وفيه 200 أو 300 مسجون قاعدين في غرفة 5 متر في 6 متر صدقوني انا مش بابالغ وربنا يشهد عليا وال300 مسجون دول عندهم مروحتين بيلفوا ببطأ وساعات تبقي واحده شغاله ببطأ والتانية مش شغالة اصلا وتقريبا كل اسبوع بيموت واحد شاب مش عجوز من الحر الشديد جدا لأن اصلا السجن مفيهوش تهوية والزحمة ماتتصوروش قد ايه كأنهم قاعدين في جامع وقت صلاة الجمعة ولازقين في بعض ده الوضع من غير اي مبالغة والمسئولين عن السجن ردوا عليا مرة وقالوالي ان مفيش ميزانية يشتروا مراوح تخيلوا ؟؟؟؟؟؟؟؟؟؟  ولو قلت ده حرام يقوللك ان المعروف في السجن ان فيه حاجة اسمها نسبة 2 في المية  فاقد يعني ناس يموتوا مش مشكلة يموتوا بقي م التعذيب او يموتوا من المرض يعني حد يجيله ازمة سكر ويموت مش مشكلة لان العياده مافيهاش ادوية وده غالبا مابيحصل او يموتوا م الحر او من البرد دي حاجة مابتشكلهمش اي مشكلة تخيلوا ؟؟؟؟ومرة كنت واقف في ساحة السجن ولقيتهم جايبين واحد علي نقالة وعنده أزمة قلبيه من الساعة 10 الصبح لغاية الساعة 2 الضهر الراجل نايم علي النقاله عشان اللي في السجن بيهربوا من المسئولية كل واحد يقول انه مش مسئوليته طبعا عشان اللي حياخده حايتحمل مسئولية توصيله بعربية الاسعاف ويفضل معاه ويضيع اليوم عليه ففضلوا يتنصلوا منه لغاية مامات قدام عيني والله العظيم  ومرة شفت واحد شاب كانوا مقلعينه كل هدومه تقريبا وحد مقطع بيضانه والدم سايح عليه وكمان اتنين ماسكينه عمالين يضربوا فيه    وتقولوالي ان البلد ممكن تتصلح او يبقي فيه امل فيها ؟ يا جماعه البلد دي مالهاش حل لاننا ماعندناش استعداد نتعود علي النظام او الرحمة او النضافه او العدل او اي حاجة فيها تعاليم ربنا للبشر  انا ابويا من 30 سنة قاللي خلاص البلد حاتتصلح وكل حاجة حاتبقي زي الفل وفاتت ال30 سنة والخراب زاد والظلم زاد    ربنا معانا بقي    

tags for للمرة الثانية:تبلطجوا يرحمكم الله

وسومات