شهادة عائشة زوجة احد المشتبه فيهم - قسم شرطة منية البصل - الإسكندرية 1994

"علقونى من إيدية وهي مربوطة ورا ظهري وعلقونى من شعري، والضرب بالكرابيج علي الوش والجسم، كهربونى في وشي ورا الودان، وكمان في الثديين، والفخذين.قطعوا شعري وكسروا أسناني، وكانوا يطلبوا من ابني اللي عنده تسع سنين، انه يلم الشعر والأسنان من علي الأرض.دخلوني علي زوجي وهو متعلق عريان ملط وهددوني إنى أتعلق زيه عريانة.

وكانوا بيعصروا الثدي بشدة، ويضربوني بالبيادات علي وشي، ولما تقع من إيد الضابط يخليني اوطى أجيبها وأديهاله علشان يكمل الضرب. ده غير الضرب بالشلاليت من تحت منى وضرب الكرابيج وأنا محطوطة في الفلكة بعدها يضطرني أتنطط علشان ما أورمش ويعرف يضرب تانى.

وعرفت حاجة اسمي المرجيحة، واتعذبت بيها. كانوا بيربطوا ايدية من ورا ظهري، وتمر العصاية بينهم، ويربطوا رجلية ويمرروا العصاية من تحت الفخذين، بعد كده تعلق العصا وتلف وأنضرب وأنا في الوضع ده. كان بيشرف علي التعذيب إبراهيم الشناوي، وأشرف كسبة."